Sholat Id Reng Banyuwangi Nyocogaken Zonasi PPKM

  • Bagikan

Faktanews.co.id.-(Osing)– Shalat Idul Fitri biso dilakoni reng masjid utowo reng njobo kelawan nyocogaken zonasi PPKM (Pemberlakuan Pembatasan Kegiatan Masyarakat) skala mikro utowo per Kelurahan.

Iki disampekaken Satgas Covid-19 pas nganakaken rakor penyelenggaraan salat Idul Fitri 1442 H, Senin (10/5/2021).

Bupati Ipuk Fiestiandani, Wakil Bupati (Wabup) Sugirah, Kapolresta Kombespol Arman Asmara Syarifuddin, Dandim 0825 Letkol (Inf) Yuli Eko Purwanto, Komandan Pangkalan TNI AL (Danlanal) Letkol Laut (P) Eros Wasis, Kepala Kejaksaan Negeri Banyuwangi Mohammad Rawi teko reng acara rakor hang ugo dilakoni coro virtual ambi satgas tingkat kecamatan sak Banyuwangi.

Rakor ugo ditekani unsur DPRD Banyuwangi, Kementerian Agama (Kemenag) Banyuwangi, Ketua Majelis Ulama Indonesia (MUI) Banyuwangi KH M. Yamin lan pengurus ormas keagamaan.

Bupati Ipuk ngomong gok Gubernur Jatim Khofifah Indar Parawansa wes gawe surat edaran reng dino Senin (10/5/2021) ngator shalat Idul Fitri kelawan nyocogaken zonasi PPKM mikro.

Ipuk ngajak Forkopimda, Kemenag, MUI, dan tokoh ormas keagamaan makne siji suworo Banyuwangi sepakat ngerteni SE Gubernur Khofifah Indar Parawansa

Ipuk ngocap sokor, Shalat Idhul Fitri taon iki biso dilakoni bareng reng masjid lan lapangan, Masio kebijakan iki kudu nyocogaken zonasi skala mikro.

Nganggo dasar SE Gubernur Jatim tiku mau, diatur kanggo zona ijo lan koneng jamaah solat Idul Fitri hang teko maksimal 50 persen teko kapasitas, zona oranye jamaahe sengoleh ngelebihi 15 persen kapasitas.

Baca juga:  Pembagian Wates Gunung Ijen Wes Rampong Disepakati Kabupaten Bondowoso lan Banyuwangi 

Sak njerone SE ugo diatur takbiran ldhul fitri biso dilakoni reng masjid utowo musolah kelawan aturan sak akeh-akehe sepoloh persen teko kapasitas masjid utowo musolah lan kudu nganggo protokol kesehatan temenanan.

Ugo diator supoyo imam solat nggowo surat-surat cendek Quran saknjerone solat. Kutbah yo disaranaken cukup 10 menit.

Kapolresta Banyuwangi Arman Asmara Syarifuddin lan Dandim 0825 Letkol (Inf) Yuli Eko Purwanto nyampekaken, gok SE Gubernur Jatim iku mau mulo pancen dibutuhaken kanggo ngindari  penularan Covid-19.

Jare Arman kabeh podo ngengetaken sopo baen. Tradisi salaman sak marine salat Id kanggo lebaran taon iki ojo dilakoni ulung.

Ugo ojo katik onjong-onjong lan open house. Sak marine salat, balek nong rumah, kumpul sak keluarga hang parek. Silaturahim dilakoni coro virtual,” Jarene.

Ketua MUI Banyuwangi, KH Mohamad Yamin sepakat keputusan hang dijuwut pemerintah kudu didukung kanggo apike wong akeh.(*ndu/kin).

Di osingaken : Momo

  • Bagikan

Tinggalkan Balasan

Alamat email Anda tidak akan dipublikasikan. Ruas yang wajib ditandai *