PELAKU HANG NEMBAK NGAWÔR NONG MABES POLRI KEPINGIN EMAKÉ NINGGALAKEN RIBA

  • Bagikan

Faktanews.co.id.-(Gedobos Osing)–Masyarakat saktemené kepingin werôh paran karep lan niyaté laré wadon (Zakiah Aini) hang némbak “sembarangan” nong Mabes Polri akhir ulan Maret 2021.

Moro-moro ditemokaken selembar kertas hang isiné jarene pesen teko Zakiah Aini hang dianggep pelaku nembak ngawôr iku.

Surat wasiat laré wadon hang umure mageh 26 tahun iku, kepingin emaké mandek hubungan ambi bank kartu kredit kang miturut iyané riba.

Anaké Ali lan Sutini iku ugo njalôk emaké ngadohi kepercayaan nong wong-wong kang duwe ilmu.

Nong njerone isi surat mau, Zakia Aini njalôk emake ojo pati bangga nong Ahok. Cuma’ Heng dijelasaken Ahok hang endian hang dimaksud, Ahok tonggone opo Ahok tukang servis, bintang filem, pejabat lan liya-liyane.

Koyo hang wés diberitakaken, masyarakat ubrek mergo ono video lare wadon nembak sak ènak udelé nong Mabes polri dino Rebo (31/1/2021) wayah sorèn jam 16.15 WIB.

Nong video iku katon gok laré wadon nganggo kudung kelir moro-moro sak ènak melebu nong latar ngarep Mabes Polri.

Ning Pos jogo iku iyané melaku ambi némbak-némbak sembarangan.

Polisi hang tugas njogo nong Mabes polri langsung ngamanaken panggonan, lan ahire lare wadon iku mau njelungup di tembak polisi.

Lare wadon nekat iku mau arane ZA, hang alamaté Lapangan Témbak gang Taqwa kelurahan Kelapa Dua Wetan, Ciracas, Jakarta Timur.

Diusingaken : Momo.

Penulis: MomoEditor: Makin SH
  • Bagikan

Tinggalkan Balasan

Alamat email Anda tidak akan dipublikasikan. Ruas yang wajib ditandai *