Faktanews.co.id.– Ketua DPRD Banyuwangi Made Cahyana Negara katon milu teko meringati Dino Lahire Pancasila kelawa tahlil lan tumpengan bareng warga reng Balai Deso Telemung, Kecamatan Kalipuro, Senin wengi (31/5/21).
Made bareng Bupati Banyuwangi Ipuk Fiestiandani hang ugo milu teko ngadiri acara, Sekretaris Daerah Mujiono campur baur ambi masyarakat ning kono milu meringati Dino Lahire Pancasila.
Kelawan protokol kesehatan, wong-wong podo khusuk Salat Maghrib jamaah, bareng tokoh agama lan warga sekitar kono.
Sak marine terus tahlil lan moco kalimat-kalimat thayyibah.
Wong-wong podo ndungakaken bareng nong Presiden pertama RI, Ir Sukarno, salah sijine tokoh hang milu ngereng-reng Pancasila hang dijuwut teko landasan tradisi lan kearifan rakyat Indonesia.
Ketua DPRD Banyuwangi I Made Cahyana Negara ngomong, kelawan meringati Dino Lahire Pancasila reng deso, nguweni pesen semangat gotong royong warga deso. Gok gotong royong iku intisarine pancasila.
“Kelawan macem-macem program, Pemkab lan DPRD Banyuwangi ngajak gotong royong masyarakat, kerono hakikate Pancasila iku gotong royong mbangun bongso,” jarene.(*roj/kin).
